Որոնել

+
Էրազմուս+ ծրագրերի քլասթերային հանդիպում FAST հիմնադրամում

Դեկտեմբերի 23-ին Էրազմուս+ ազգային սենյակի և FAST հիմնադրամի համատեղ նախաձեռնությամբ հիմնադրամում կայացավ քլաստերային հանդիպում, որի շրջանակներում Էրազմուս+ 4 կարողությունների զարգացման ծրագրերի ներկայացուցիչներ հանդիպեցին FAST հիմնադրամի (www.fast.foundation) և Հորիզոն 2020 ազգային կոնտակտային գրասենյակի (h2020.sci.am) աշխատակազմի հետ: Այս նախաձեռնությունը նպատակ ուներ հարթակ  հանդիսանալ համալսարանների և ներդրումային ձեռնարկությունների համար՝ հիմք ընդունելով նրանց՝ Հայաստանում գիտահետազոտական էկոհամակարգը զարգացնելու ընդհանուր նպատակները: 

FAST-ի աշխատակազմը հրավիրյալների համար շրջայց կազմակերպեց հիմնադրամի տարածքում, որից հետո մասնակիցներին ողջունեց Էրազմուս+ գրասենյակի համակարգող Լանա Կառլովան։  Այնուհետև, համագործակցությանն և ծրագրերի բաժի տնօրեն Սյուզաննա Շամախյանը (սեղմել այստեղ) ներկայացրեց հյուրընկալող կազմակերպության հիմնական առաքելությունը, այն է ՝ ստեղծել մի էկոհամակարգ, որը կխթանի տեխնոլոգիական նորարարությունն ու գիտական առաջխաղացումը Հայաստանում և դրանից դուրս՝ երկրի գիտական պրոֆիլը բարձրացնելու գործում ներգրավելով  գիտահետոզատական համայնքներին: Մասնակիցներին ներկայացվեցին FAST-ի կանխատեսումները հետազոտության և զարգացման (R&D) վերաբերյալ  ինչպես նաև հիմնադրամի ներդրումային գործողություններն ի դեմս մի շարք դրամաշնորհային ծրագրերի (fellowships): 

Հաջորդիվ,  կրթական 3-րդ աստիճանի և հետազոտությունների խթանմանն ուղղված Էրազմուս+ կարողությունների զարգացման ընթացիկ և նոր ծրագրերի  ներկայացուցիչները համառոտ ներկայացրեցին իրենց ծրագրերի հիմնական նպատակներն ու ակնկալվող արդյունքները՝ հետևալ հաջորդականությամբ․

  • MINERVA ծրագիրը (Strengthening Research Management and Open Science Capacities of HEIs in Moldova and Armenia) ներկայացվեց Երևանի Վ․ Բրյուսովի անվան լեզվահասարակագիտական համալսարանի գրադարանի ղեկավար և ծրագրի ազգային համակարգող Աննա Չուլյանի կողմից (սեղմել այստեղ)։ 

erasmusplus.am/course/strengthening-research-management-and-open-science-capacities-of-heis-in-moldova-and-armenia-minerva/

www.minerva-project.space

  • MODEST ծրագիրը (Modernisation of Doctoral Education in Science and Improvement of Teaching Methods) ներկայացրեց Հայաստանի ազգային պոլիտեխնիկական համալսարանի տեղական համակարգող Գևորգ Մարկարովը (սեղմել այստեղ)։ 

erasmusplus.am/course/modernization-of-doctoral-education-in-science-and-improvement-of-teaching-methodologies-modest/  

www.modest.lu.lv/en

  • Երևանի Մ․ Հերացու անվ․ բժշկական համալսարանի կողմից համակարգվող DPPHSS ծրագիրը (Doctoral Programmes in Public Health and Social Science) ներկայացրեց  ծրագրի համակարգող Արտաշես Թադևոսյանը (սեղմել այստեղ)։ 

erasmusplus.am/course/doctoral-programmes-in-public-health-and-social-science-dpphss/

  • ARMDOCT  (Reforming Doctoral Education in Armenia in Line with Needs of Academia, Industry and Current EU Practices) ծրագիրը, որը 2020թ-ից սկսած կհամակարգվի Եվրասիա միջազգային համալսարանի կողմից, հակիրճ ներկայացվեց ծրագրի համակարգող Արևիկ Օհանյանի կողմից (սեղմել այստեղ)։ 

erasmusplus.am/course/reforming-doctoral-education-in-armenia-in-line-with-needs-of-academia-industry-and-current-eu-practices-armdoct/

Վերոնշյալ բոլոր ծրագրերը ունեն ընդհանուր նպատակներ և առանձնահատկություններ, որոնք քլասթերային հանդիպման շրջանակներում մանրամասն քննարկման առարկա դարձան։  Դրանց գործունեության հիմնական նպատակը ծրագրերի մասնակից հայաստանյան բուհերում դոկտորական դպրոցների կամ հետազոտական կենտրոնների զարգացումն ու Հայաստանում 3-րդ աստիճանի կրթության ազգային կարգավորիչ շրջանակի ներդրումն է:

Շնորհանդեսներին հաջորդեց քննարկում, որը վերաբերում էր արտաքին շահառուների հետ համագործակցության ձևաչափերի բացահայտմանը։ 

Հանդիպման ավարտին 2020թ-ի փետրվարին պաշտոնապես մեկնարկող Էրազմուս+ ARMDOCT ծրագրի թիմի և FAST հիմնադրամի միջև հաջորդ հանդիպման մասին պայմանավորվածություն ձեռք բերվեց: 4 ծրագրերի ներկայացուցիչները պայմանավորվեցին պահպանել այս նոր  համագործակցային ցանցը և մեկ տարի անցկ կազմակերպել մեկ այլ հանդիպում՝ ներկայանելու իրենց առացել շոշափելի արդյունքներն ու մարտահրավերները։ 

Հրապարակված է․Նորություններ, Նորություններ 2019թ