Հեռավորության հաշվիչը Էրազմուս+ դրամաշնորհներին դիմել ցանկացող հաստատությունների և անհատների համար է։ Այս գործիքի միջոցով կարելի է հաշվարկել Գործընկեր երկրից (այդ թվում, Հայաստանից) դեպի Ծրագրային երկիր (և հակառակը) ճամփորդության հեռավորությունը և ըստ այդմ գտնել Էրազմուս+ ճամփորդության համար նախատեսված դրամաշնորհների սանդղակից տվյալ հեռավորությամբ սահմանված  ֆինանսական շեմը։

Ինչպես գործածել հաշվիչը

1. «From:» վանդակում մուտքագրեք այն քաղաքը որտեղից մեկնելու եք՝ տրամադրվող ցուցակից ընտրելով այն (oրինակ՝ Yerevan),
2. «To:» վանդակում մուտքագրեք այն քաղաքն, ուր մեկնում եք՝ տրամադրվող ցուցակից ընտրելով այն (oրինակ՝ Berlin),
3. Սեղմեք «Calculate» կոճակը և կստանաք երկու քաղաքների միջև հեռավորությունը՝ կիլոմետրերով:

Հիշեցում՝ անհրաժեշտ է ընտրել կոնկրետ քաղաքը, կամ գյուղը, ոչ թե երկիրը։ Եթե չընտրեք «From» և «To» վանդակներից առաջարկվող քաղաքների անունները, արդյունքը չի ցուցադրվի:

Եթե հեռավորությունը հաշվարկելիս տեսնեք «NaN» արդյունքը, թարմացրեք էջը և կրկնեք վերը նշված հրահանգները։

Հեռավորության հաշվիչը կարող եք կիրառել առցանց այստեղ։

Այս բաժնում ներկայացված են Էրազմուս+ բարձրագույն կրթական հնարավորություններ վերաբերյալ պրեզենտացիաներ: Տեղեկատվությունը հարմարեցված է անհատների և հաստատությունների կարիքներին:

2019թ․-ի Էրազմուս+ առաջարկների կամ հայտերի ներկայացման մրցույթի շրջանակներում միջազգային բարձրագույն կրթության հատվածին վերաբերվող ծրագրի վերջնաժամկետները հետևյալն են`

• Կարողությունների զարգացում  բարձրագույն կրթության  ոլորտում՝ 7 փետրվար 2019թ․
• Միջազգային կրեդիտային շարժունությւն՝ 5 փետրվար 2019թ․
• Էրազմուս Մունդուս համատեղ մագիստրոսական ծրագրեր՝ 14 փետրվար 2019թ․
• Ժան Մոնե գործողություններ՝ 22 փետրվար 2019թ․

Հիշեցում՝ այս վերջնաժամկետները վերաբերում են միայն հաստատություններին, որոնք ցանկանում են դիմել Էրազմուս+ դրամաշնորհի։ 2019թ հայտերի ներկայացման մրցույթի մանրամասներին կարելի է ծանոթանալ Էրազմուս+ ծրագրի ուղեցույցում։