Այս բաժնում կարող եք գտնել տեղեկություններ այն մասին, թե ինչպես կարելի է դիմել Եվրոպական հանձնաժողովի կողմից հայտարարված առաջարկների մրցույթներին:

Ի՞ՆՉ Է ԱՌԱՋԱՐԿՆԵՐԻ ՄՐՑՈՒՅԹԸ

Առաջարկների մրցույթ հայտարարելով՝ Հանձնաժողովը մրցակցային հիմունքներով ընտրում է կազմակերպությունների կամ ֆիզիկական անձանց՝ ԵՄ կողմից համաֆինանսավորվող ծրագրեր իրականացնելու համար, քանի որ այդ ծրագրերը նպաստում են ԵՄ քաղաքականության նպատակներին:

ԻՆՉՊԵՍ ՄԱՍՆԱԿՑԵԼ

ՔԱՅԼ 1 Եվրոպական հանձնաժողովը և նրա ֆինանսավորող մարմինները հրապարակում են ամենամյա Առաջարկների մրցույթը Ֆինանսավորման և տենդերային հնարավորությունների պորտալում: Պորտալը մուտքի միակ հնարավորությունն է՝ մասնակցելու ԵՄ ֆինանսավորմամբ բոլոր մրցույթներին և դրամաշնորհներին, որոնք կառավարվում են Եվրոպական հանձնաժողովի և ԵՄ այլ ծառայությունների կողմից: Պորտալում դրամաշնորհային հնարավորությունների մեծ մասը բաժանված է թեմաների, որոնց մեջ կարող եք գտնել նաև Էրազմուս+ ծրագիրը:

ՔԱՅԼ 2 Գտեք ծրագրի գործընկերներ (ըստ ցանկության)

Կարդացեք մրցույթի պայմանները` գնահատելու համար գործընկերության պահանջները: Ձեր գործընկերների որոնման հարցում անելու համար կամ գործընկերության առաջարկ հրապարակելու համար օգտագործեք «Գործընկերների որոնում» հատվածը, որպեսզի ընտրեք կազմակերպություն՝ հիմնվելով նրա պրոֆիլի կամ նախկին մասնակցության վրա:

ՔԱՅԼ 3 Ստեղծեք ԵՄ մուտքի հաշիվ (EU Login)

Յուրաքանչյուր օգտատեր պետք է ունենա ԵՄ մուտքի հաշիվ՝ Պորտալ մուտք գործելու համար: Եթե ​​դուք արդեն ունեք նման հաշիվ, կարող եք օգտագործել այն այս կայքում աջակցվող ցանկացած գործողության համար՝ սկսած առաջարկի ներկայացումից մինչև հաշվետվություն:
Եթե ​​դեռ չունեք հաշիվ, ապա պետք է այն ստեղծեք՝ սեղմելով ԳՐԱՆՑՎԵԼ կոճակը: Հակառակ դեպքում դուք մուտք եք ստանում միայն դեմի կայքի հանրային ծառայություններ (օրինակ՝ ֆինանսավորման հնարավորությունների որոնում, ուղեցույց կարդալու հնարավորություն և այլն):

ՔԱՅԼ 4 Գրանցեք ձեր կազմակերպությունը

Մասնակիցների գրանցման պորտալը Եվրոպական հանձնաժողովի առցանց գործիքն է՝ գրանցելու և կառավարելու ԵՄ ծրագրերին մասնակցող կազմակերպությունների տվյալները: Այն թույլ է տալիս հետևողականորեն մշակել մրցույթին մասնակիցող կառույցների պաշտոնական տվյալները և հնարավորություն է տալիս նույն տեղեկատվությունը բազմից չմուտքագրել:
Եթե ​​ցանկանում եք մասնակցել Էրազմուս+ ծրագրի առաջարկների մրցույթին, ձեր կազմակերպությունը պետք է գրանցված լինի և ունենա Մասնակիցների նույնականացման 9 նիշանոց ծածկագիր (PIC): Ձեր կազմակերպության այս եզակի նույնացուցիչը Հանձնաժողովի կողմից կօգտագործվի ցանկացած հաղորդակցության ժամանակ: Ստուգեք այստեղ, արդյոք ձեր կազմակերպությունն արդեն գրանցված է, թե ոչ, կամ գրանցեք այն:

ՔԱՅԼ 5 Ներկայացրե՛ք ձեր դրամաշնորհային առաջարկները

Ինչպե՞ս մուտք գործել առաջարկների ներկայացման համակարգ: Ընտրեք ձեր թեման և անցեք թեմայի էջի Ներկայացման ծառայություն բաժին: Նախքան առաջարկի մշակումը սկսելը, համոզվեք, որ ընտրել եք գործողությունների ճիշտ տեսակը: Ներկայացման համակարգի հղումը հասանելի է, եթե առաջարկների մրցույթը  «բաց» կարգավիճակում է: Պահանջվում է մուտք գործել ձեր ԵՄ մուտքի հաշիվ։

Լրացուցիչ տեղեկությունների և օգնության համար խնդրում ենք ծանոթանալ ստորև ներկայացված ձեռնարկներին և ուղեցույցներին:

Հեռավորության հաշվիչը Էրազմուս+ դրամաշնորհներին դիմել ցանկացող հաստատությունների և անհատների համար է։ Այս գործիքի միջոցով կարելի է հաշվարկել Գործընկեր երկրից (այդ թվում, Հայաստանից) դեպի Ծրագրային երկիր (և հակառակը) ճամփորդության հեռավորությունը և ըստ այդմ գտնել Էրազմուս+ ճամփորդության համար նախատեսված դրամաշնորհների սանդղակից տվյալ հեռավորությամբ սահմանված  ֆինանսական շեմը։

Ինչպես գործածել հաշվիչը

1. «From:» վանդակում մուտքագրեք այն քաղաքը որտեղից մեկնելու եք՝ տրամադրվող ցուցակից ընտրելով այն (oրինակ՝ Yerevan),
2. «To:» վանդակում մուտքագրեք այն քաղաքն, ուր մեկնում եք՝ տրամադրվող ցուցակից ընտրելով այն (oրինակ՝ Berlin),
3. Սեղմեք «Calculate» կոճակը և կստանաք երկու քաղաքների միջև հեռավորությունը՝ կիլոմետրերով:

Հիշեցում՝ անհրաժեշտ է ընտրել կոնկրետ քաղաքը, կամ գյուղը, ոչ թե երկիրը։ Եթե չընտրեք «From» և «To» վանդակներից առաջարկվող քաղաքների անունները, արդյունքը չի ցուցադրվի:

Եթե հեռավորությունը հաշվարկելիս տեսնեք «NaN» արդյունքը, թարմացրեք էջը և կրկնեք վերը նշված հրահանգները։

Հեռավորության հաշվիչը կարող եք կիրառել առցանց այստեղ։

Մեկնարկել է Էրազմուս+ ծրագրի նոր 2021-2027 թթ․ շրջափուլը: Հրապարակվել են նաև առաջին տարեկան աշխատանքային ծրագիրը և 2023թ․ առաջարկների ներկայացման մրցույթը:

Եվրամիության պաշտոնական տեղեկագրում հրապարակված մրցույթին կարող եք ծանոթանալ այստեղ:

2023թ հայտերի ներկայացման մրցույթի մանրամասներին կարելի է ծանոթանալ Էրազմուս+ ծրագրի ուղեցույցում։