2008թ. Եվրոպական հանձնաժողովը հանդես եկավ նախաձեռնությամբ, որն ուղղված էր յուրաքանչյուր Գործընկեր երկրում բարձրագույն կրթության ոլորտի փորձագետների փոքր խմբերի կազմակերպմանը: Բարձրագույն կրթության բարեփոխումների փորձագետների (ԲԿԲՓ) խմբերի խնդիրը Լիսաբոնի և Բոլոնիայի նպատակների իրականացման գործում, առաջընթաց ապահովելու հարցում, որոշակի բնագավառներում ազգային կարիքներին և ձգտումներին համապատասխան փորձառության փոխանցումն է: Ազգային թիմի առաքելությունն է`
- Աջակցել Հայաստանում կրթական քաղաքականության մշակմանը` տեղական իշխանությունների հետ սերտ կապի մեջ լինելով նպաստելով բարձրագույն կրթության արդիականացման բարեփոխումների գործընթացներին և ռազմավարություններին, ինչպիսիք են, օրինակ՝ ուսումնական ծրագրերի մշակումը, կառավարման արդիականացումը, բարձրագույն կրթական համակարգերի և հաստատությունների կառավարման և գործունեության խթանումը, բարձրագույն կրթության ոլորտի և ավելի լայն հասարակական և տնտեսական միջավայրի միջև հարաբերությունների ամրապնդումը և այլն։
- Աջակցել ՀՀ-ում ԵՄ-ի հետ բարձրագույն կրթության ոլորտում քաղաքական երկխոսությանը, օգտագործելով Էրազմուս+ ծրագրի շրջանակներում ստեղծված տարբեր քաղաքական հարթակների կամ Եվրոպական հանձնաժողովի կողմից և նրա ղեկավարությամբ ստեղծված այլ հնարավոր նախաձեռնությունների միջև առկա սիներգիաները:
- Աջակցել Էրազմուս+ ծրագրի և ԵՄ-ի կողմից ֆինանսավորվող այլ ծրագրերի արդյունքների տարածմանը, հատկապես լավագույն փորձի և նորարարական նախաձեռնությունների տեսանելիության բարձրացմանը՝ վերջիններս օգտագործելով բարձրագույն կրթության արդիականացման և զարգացման նպատակներով:
Այս համապարփակ նպատակները այլ գործողությունների հետ համատեղ ենթադրում են ԲՈՒՀ-ին տրվելիք խորհրդատվություն հետևյալ բնագավառներում`
- Որակի ապահովում (ներքին, արտաքին),
- Եռաստիճան համակարգ. Կրթական ծրագրերի բարեփոխումներ, որակավորումների ազգային և եվրոպական շրջանակներ, թյունինգ
- Փոխճանաչում (Կրեդիտների փոխանցման եվրոպական համակարգ, Դիպլոմի հավելված, Europass, Լիսաբոնի փոխճանաչման կոնվենցիա):
Հայաստանի ԲԿԲՓ-ի խումբը ներգրավված է տեղեկացվածության բարձրացման բոլոր տեսակի միջոցառումներում:
Խմբի գործունեությունն ընդլայնվել է ինչպես տեղական հանդիպումներին, այնպես էլ արտերկրում կազմակերպված սեմինարներին, կոնֆերանսներին մասնակցության ապահովման, շահագրգիռ կողմերի հետ հանդիպումների և քննարկումների անցկացման շնորհիվ, ինչպես նաև Բոլոնիայի գործընթացի առաջխաղացման ու վերջինիս մոտեցումներին ու գործիքներին առնչվող հետազոտությունների իրականացման միջոցով:
ՀՀ Կրթության, գիտության, մշակույթի և սպորտի նախարարության, ԵՄ Պատվիրակության և Էրազմուս+ ծրագրի ազգային գրասենյակի համատեղ համաձայնությամբ 2022 թ.-ին հետևյալ անձինք ընտրվել կամ վերընտրվել են որպես Հայաստանի բարձրագույն կրթության բարեփոխման փորձագետներ`
