Ազգային գործակալությունները հիմնված են ԵՄ 27 անդամ պետություններում և Ծրագրին ասոցացված 6 երրորդ երկրներում (նախկին Ծրագրային երկրներ) և նրանց դերն է՝

• տեղեկատվության տրամադրել Էրազմուս+ Ծրագրի մասին
• ընտրություն կատարել ֆինանսավորման համար դիմած ծրագրերից
• մշտադիտարկել և գնահատել Էրազմուս+ ծրագրերը
• աջակցել դիմորդներին և մասնակիցներին
• համագործակցել այլ ազգային գործակալությունների և ԵՄ կառույցների հետ
• բարձրացնել Էրազմուս+-ի տեսանելիությունը
• կիսվել լավագույն փորձով

Ազգային գործակալությունների ցանկը կարելի է գտնել այստեղ, իսկ Ծրագրային երկրների ցանկին և մանրամասներին ծանոթանալու համար այցելեք Ծրագրի մասին ենթաբաժինը։

Խնդրում ենք նկատի ունենալ, որ Էրազմուս+ ծրագրին չասոցացված երրորդ երկրները, Ազգային գործակալությունների փոխարեն այլընտրանքային կերպով կարող են ունենալ Ազգային Էրազմուս+ գրասենյակներ (ինչպես, օրինակ՝ Հայաստանը) կամ Առանցքային տեղեկատվության կենտրոններ:

Էրազմուս+ ազգային գրասենյակներն աջակցում են Եվրահանձնաժողովին ու Ծրագրին չասոցացված երկրների տեղական իշխանություններին Էրազմուս+ Ծրագրի իրականացման գործում։

Այս գրասենյակները առկա են Ծրագրին չասոցացված որոշ երկրներում, որոնք գտնվում են Արևմտյան Բալկաններում, Արևելյան գործընկերության, Հարավմիջերկրածովյան տարածաշրջաններում և Կենտրոնական Ասիայում:

ԱՐԵՎՄՏՅԱՆ ԲԱԼԿԱՆՆԵՐ՝ Ալբանիա, Բոսնիա և Հերցեգովինա, Կոսովո, Չեռնոգորիա

ԱՐԵՎԵԼՅԱՆ ԳՈՐԾԸՆԿԵՐՈՒԹՅՈՒՆ՝ Հայաստան, Վրաստան, Մոլդովա, Ուկրաինա, Ադրբեջան

ՀԱՐԱՎԱՅԻՆ ՄԻՋԵՐԿՐԱԾՈՎՅԱՆ ԵՐԿՐՆԵՐ՝ Ալժիր, Եգիպտոս, Իսրայել, Հորդանան, Լիբանան, Լիբիա, Մարոկկո, Պաղեստին

ԿԵՆՏՐՈՆԱԿԱՆ ԱՍԻԱ՝ Ղրղզստան, Տաջիկստան, Թուրքմենստան, Ուզբեկստան

Մյուս տարածաշրջաններում կարող են գործել Առանցքային տեղեկատվության կենտրոններ, որոնք գտնվում են ԵՄ պատվիրակությունների կառույցներում: 

Էրազմուս+ ազգային գրասենյակների առաքելությունն է՝

• տրամադրել տեղեկատվություն Էրազմուս+ ծրագրի մասին
• իրականացնել ֆինանսավորում ստացած ծրագրերի գնահատում և մշտադիտարկում
• աջակցել հայտատուներին, դիմորդներին և ծրագրերի այլ մասնակիցներին
• նպաստել քաղաքական երկխոսության զարգացմանը
• կապ պահպանել տեղական իշխանությունների և ԵՄ պատվիրակությունների հետ