Դեկտեմբերի 4-ին` ժ. 14:00, առցանց եղանակով տեղի կունենա Էրազմուս+ «Կարողությունների զարգացում ՄԿՈւ ոլորտում» գործողության վերաբերյալ տեղեկատվական հանդիպում, որն «Էրազմուս+ տեղեկատվական օրեր 2024» միջոցառումների շարքի հերթական հանդիպումն է։

Թիրախում են ՄԿՈւ հաստատությունները, ինչպես նաև հասարակական և այլ կազմակերպություններ, որոնք որևէ կերպ առնչվում են ՄԿՈւ ոլորտի հետ և կարող են համագործակցել որևէ նախագծի շրջանակներում։

Հանդիպման ընթացքում մասնակիցները կստանան մանրամասն տեղեկատվություն Էրազմուս+ «Կարողությունների զարգացում ՄԿՈւ ոլորտում» գործողության վերաբերյալ, մասնավորապես՝

• ֆինանսավորման ինչպիսի հնարավորություններ է առաջարկում Էրազմուս+-ը ՄԿՈւ ոլորտի ներկայացուցիչներին,
• որոնք են ծրագրին դիմելու հիմնական պայմանները,
• ինչպիսի նախագծային գաղափարներ կարելի է կազմել և դիմել ֆինանսավորման,
• որտեղից սկսել և ինչ քայլերով առաջ շարժվել,
• ինչպես գտնել գործընկերներ,
• և իհարկե մասնակիցները հնարավորություն կունենան ուղղելու իրենց հարցերը խոսնակներին։

 Տեղեկատվական հանդիպման օրակարգը հասանելի է ստորև:

 Մասնակցելու համար անհրաժեշտ է գրանցվել մինչև դեկտեմբերի 3-ը ներառյալ՝ հետևյալ հղմամբ։