Դեկտեմբերի 12-ին՝ ժամը 14:00, Ճարտարապետության և շինարարության Հայաստանի ազգային համալսարանում տեղի կունենա Էրազմուս+ ծրագրի վերաբերյալ տեղեկատվական հանդիպում` Ծրագրի 2025թ․ առաջարկների մրցույթի շրջանակներում։

Հանդիպման նպատակն է տեղեկատվություն տրամադրել Էրազմուս+ ծրագրին դիմող հաստատություններին և աջակցություն ցուցաբերել Էրազմուս+ ընթացիկ նախագծերի հայաստանյան գործընկերներին։

Հանդիպման մասնակիցների թիրախային խմբերն են բուհերի, ՀԿ-ների և այլ կազմակերպությունների ներկայացուցիչները, բուհական ոլորտում արդեն իսկ ֆինանսավորված նախագծերի գործընկերները։

Հանդիպման ընթացքում խոսնակները մասնավորապես կանդրադառնան հետևյալ թեմաներին՝

• Էրազմուս+ ծրագրի՝ բուհերի համար հասանելի գործողությունները,
• գործնական խորհուրդներ Sigma համակարգում Էրազմուս+ արդեն իսկ ֆինանսավորված նախագծերի կառավարման վերաբերյալ,
• նախագծի մշակման փուլում տրամաբանական շրջանակի (Logical Framework Matrix) ստեղծումը,
• համատեղ մագիստրոսական ծրագրեր․ ստեղծումից մինչև իրականացում,
• կրթության ոլորտում ներառականության և արդարության ապահովման մեխանիզմները,
• Ժան Մոնե գործողությունները, Ժան Մոնե գերազանցության կենտրոնի նախագծի ստեղծումը։

Հանդիպման օրակարգը հասանելի է ստորև։ 

Իսկ մասնակցելու համար անհրաժեշտ է նախապես գրանցվել մինչև դեկտեմբերի 11-ը ժ․ 18:00՝ անցնելով հետևյալ հղմամբ։