|
|
|
|
Էրազմուս+ համայնքի սիրելի՛ անդամ,
Ձեզ ենք ներկայացնում Հայաստանում Էրազմուս+ ազգային գրասենյակի և իր գործընկերների 2024 թվականի առաջին կիսամյակի գործունեությունն ամփոփող տեղեկագիրը, որի միջոցով կարող եք ծանոթանալ Էրազմուս+ ծրագրի շրջանակներում տեղի ունեցած հայաստանյան միջոցառումների և նախաձեռնությունների լրահոսին։
Մեր նպատակն է տեղեկացնել Ձեզ բուհերի և ՄԿՈւ հաստատությունների կարողությունների զարգացման, միջազգային կրեդիտային շարժունության ծրագրերի, մեր տեղեկատվական արշավների, ինչպես նաև գործընկերների հետ իրականացված համատեղ միջոոցառումների ու հանդիպումների մասին։
Հիշեցնենք, որ Հայաստանում Էրազմուս+ ծրագրի ազգային գրասենյակի պաշտոնական վեբկայքում՝ www.erasmusplus.am, և սոցիալական մեդիայի էջերում (Ֆեյսբուք, Լինքդին, Թվիթեր) Դուք կարող եք գտնել մեր կողմից իրականացվող միջոցառումների լրահոսը, ինչպես նաև հրապարակումներ, վիճակագրական նյութեր և այլ աջակցող փաստաթղթեր, ուղեցույցներ, հրահանգող տեսահոլովակներ և այլն։
Սիրով՝
Հայաստանում Էրազմուս+ ազգային գրասենյակ
|
|
|
|
Հունվարի 30-ին Երևանի պետական համալսարանում մեկնարկեց «Հայաստանում ներառական, թվային ու կանաչ ուղղվածությամբ բարձրագույն կրթության պատշաճ կառավարման և որակի համար գործունեության առանցքային ցուցանիշների ազգային շրջանակի ստեղծում» ( KPI4HE) նախագիծը:
(Մանրամասների համար սեղմել նկարին) |
|
|
Փետրվարի 26-ին Վանաձորի տեխնոլոգիական կենտրոնում տեղի ունեցավ «Հայաստանի և Վրաստանի բուհերում 21-րդ դարի աշխատաշուկայի պահանջներին համահունչ փափուկ հմտությունների զարգացում» (DeSIRe) նախագծի մեկնարկային հանդիպումը, որը համակարգելու է Վանաձորի պետական համալսարանը։
(Մանրամասների համար սեղմել նկարին)
|
|
|
|
Հունվարի 15-ին Հայաստանում Էրազմուս+ ազգային գրասենյակը նախաձեռնել էր Հայաստանում գործող ՄԿՈւ հաստատությունների և Շվեդիայի Ուփսալա քաղաքում գործունեություն ծավալող Sustainability InnoCenter կազմակերպության հետ առցանց հանդիպում։
(Մանրամասների համար սեղմել նկարին)
|
|
|
Փետրվարի 13-ին Հայաստանում Էրազմուս+ ազգային գրասենյակի աշխատակիցները և Պրովիզոր-նկարիչ Լևոն Սարգսյանի անվան բժշկական քոլեջի երկու աշխատակիցները գործնական այցով մեկնել էին Գյումրի՝ ՀՀ ԿԳՄՍՆ Գյումրու թիվ 4 արհեստագործական պետական ուսումնարանի գործունեությանը ծանոթանալու, Էրազմուս+ «Կարողությունների զարգացում ՄԿՈւ ոլորտում» Գործողության վերաբերյալ տեղեկատվական հանդիպում իրականացնելու և Ալվան ծաղիկ սոցիալ-կրթական կենտրոնի կողմից Տեխնազիում ծրագրի միջանկյալ շնորհանդեսին մասնակցելու նպատակով։
(Մանրամասների համար սեղմել նկարներին)
|
|
|
|
|
Մարտի 18-ին տեղի ունեցավ Էրազմուս+ «ՄԿՈւ-ի բարելավումն ու խթանումը Հայաստանում» (IMPROVET) նախագծի տեղեկատվական հանդիպումը, որի ընթացքում նախագծի տեղական և միջազգային գործընկերները ներկայացրին նախագծի նպատակը, ակնկալվող և արդեն իսկ կատարված գործողությունների վերաբերյալ մանրամասներ։
(Մանրամասների համար սեղմել նկարին)
|
|
|
Մարտի 6-ին Հայաստանում Էրազմուս+ ազգային գրասենյակը իրականացրեց Էրազմուս+ «Վիրտուալ փոխանակումներ ուսանողների և երիտասարդների համար» գործողությանը նվիրված առցանց հանդիպում, որի նպատակն էր ներկայացնել գործողությանը դիմելու կարգը, պայմանները, համագործակցության հնարավոր շրջանակները և Հայաստանի մասնակցությամբ արդեն իսկ ֆինանսավորված հաջողակ նախագծերը։
(Մանրամասների համար սեղմել նկարներին)
|
|
|
Հունվարի 22-ին Հայաստանում Էրազմուս+ ազգային գրասենյակը իրականացրեց առցանց խորհրդատվական հանդիպում, որը նախատեսված էր այն անձանց համար, ովքեր մշակում են նախագիծ Էրազմուս+ Ժան Մոնե գործողություններից որևէ մեկի շրջանակներում և այդ գործընթացում աջակցության ու խորհրդատվության կարիք ունեն։
(Մանրամասների համար սեղմել նկարներին)
|
|
|
|
|
|
|
|
Հայաստանի ազգային ագրարային համալսարանից Գարեգին Համբարձումյանը վերապատրաստվեց Պորտոյի համալսարանում (Պորտուգալիա)։
|
|
|
|
Հանդիպում Վալյադոլիդի համալսարանի (Իսպանիա) միջազգային նախագծերի պատասխանատու Միգել Անգել Նուեվո Պերեզի հետ։
|
|
|
|
|
|
Տուշիայի համալսարանից (Իտալիա) պրոֆ․ Պավել Մալիժենկովը հյուրընկալվել էր Եվրասիա միջազգային համալսարանում։
|
|
|
|
ԵՄՀ ուսանողներ Սիլվա Հայրիյանը և Օքսաննա Գրիգորյանը ուսումնառել են Սանտիագո դե Կոմպոստելլա համալսարանում (Իսպանիա):
|
|
|
|
|
|
|
|
Հունիսի 20-ին ՀՀ կրթության, գիտության, մշակույթի և սպորտի նախարարությունում տեղի ունեցավ «Էրազմուս+ նախագծերի մեկնարկային օր 2024» միջոցառումը։ Միջոցառման նպատակն էր ներկայացնել Էրազմուս+ ծրագրի վերջին՝ 2023թ․ մրցույթի արդյունքում դրամաշնորհ ստացած բուհերի և ՄԿՈւ հաստատությունների կողմից իրականացվող նախագծերի հիմնական նպատակները, ակնկալվող արդյունքները և ծավալել քննարկումներ՝ ուղղված այդ նախագծերի իրականացման, ոլորտի մարտահրավերների ու դրանց լուծման ուղիների բացահայտմանը։
(Մանրամասների համար սեղմել նկարներին)
|
|
|
|
Հունիսի 27-ին Հայաստանում Եվրոպական միության պատվիրակությունում կայացավ Էրազմուս Մունդուս համատեղ մագիստրոսական ծրագրի 2024թ․ հայ կրթաթոշակակիրների համար կազմակերպված հանդիպումը։ Եվրոպական միության ֆինանսավորման շնորհիվ 7 անհատներ առաջիկա 2 տարիների ընթացքում ստանալու են մագիստրոսական կրթություն Պորտուգալիայում, Իսպանիայում, Գերմանիայում, Մեծ Բրիտանիայում, Սերբիայում, Հունաստանում, Իտալիայում, Մալթայում և այլ երկրներում` Էրազմուս Մունդուս համատեղ մագիստրոսական ծրագրերի շրջանակներում:
(Մանրամասների համար սեղմել նկարին)
|
|
|
Հանդիպում Հայաստանում ԵՄ պատվիրակության հետ
|
|
|
Հանդիպում ՀՀ Բարձրագույն կրթության և գիտության կոմիտեում
|
|
|
Խնդրում ենք սեղմել ներքևում «View entire message» կոճակը՝ տեղեկագիրը ամբողջությամբ կարդալու համար: ⤵️
|
|
|
|
|
Հանդիպում Հայաստանում Ֆրանսիայի դեսպանատան հետ
|
|
|
(Մանրամասների համար սեղմել նկարներին)
|
|
|
|
Ապրիլի 16-ին Հայաստանում Էրազմուս+ ազգային գրասենյակի և Հայաստանում «Էրազմուս+ Երիտասարդություն և Եվրոպական համերաշխության կորպուս ծրագրերի» տեղեկատվական կենտրոնի ներկայացուցիչները ԵՊՀ Իջևանի մասնաճյուղին կից «Գիտելիքի Նորարարական Հաբ Տավուշ» կենտրոնում անցկացրին Էրազմուս+ ծրագրի վերաբերյալ տեղեկատվական հանդիպում, որին մասնակցում էին 37 երիտասարդներ։
(Մանրամասների համար սեղմել նկարին)
|
|
|
Մայիսի 24-ին Հայաստանում Էրազմուս+ ազգային գրասենյակը մասնակցեց «Արևորդի» միջազգային բնապահպանական փառատոնին։ Փառատոնի «Երիտասարդական անկյուն»-ում գրասենյակի ներկայացուցիչները երիտասարդներին, դասախոսներին, քաղաքացիական հասարակության ներկայացուցիչներին, բնապահպաններին և այլ հետաքրքրված անձանց ներկայացրին Էրազմուս+ ծրագրի ընձեռած հնարավորությունները:
(Մանրամասների համար սեղմել նկարին)
|
|
|
|
Մայիսի 16-ին Հայաստանում Էրազմուս+ ազգային գրասենյակը Երևանի պետական համալսարանում մասնակցեց «ԲանՈՒԳործ․ ԵՊՀ էքսպո-2024»-ին։ Էքսպոյի ընթացքում Գրասենյակի աշխատակիցները և կամավորները ներկայացրին Էրազմուս+ ծրագրի հնարավորությունները հետաքրքրված անձանց և պատասխանեցին նրանց հարցերին։
(Մանրամասների համար սեղմել նկարին)
|
|
|
Մայիսի 17-ին Հայաստանում Էրազմուս+ ազգային գրասենյակը «ՔՈԱՖ ՍՄԱՐԹ» կենտրոնում մասնակցեց «Եվրոպայի օր» տոնակատարությունների շրջանակում կազմակերպված ԵՄ ֆինանսավորմամբ իրականացվող ծրագրերի տեղեկատվական ցուցահանդեսին և հետաքրքրված անձանց ներկայացրեց Էրազմուս+ ծրագրի հնարավորությունները։
(Մանրամասների համար սեղմել նկարին)
|
|
|
Ապրիլի 6-ին Հայաստանում Էրազմուս+ ազգային գրասենյակը «Էյ Թի Փի» (Armenia Tree Project) հիմնադրամի և Հայկական պետական մանկավարժական համալսարանի հետ համատեղ Արագածոտնի մարզի Սասունիկ գյուղում գտնվող Սեմոնյան այգում կազմակերպեցին և իրականացրին ուսանողական ծառատունկ։
|
|
|
Ծառատունկի նպատակն էր Էրազմուս+ ծրագրի առաջնահերթություններից մեկի՝ Կանաչ Գործարքի շրջանակում ծառատունկի միջոցով բարձրացնել բնապահպանական թեմաների վերաբերյալ իրազեկվածությունը։
(Մանրամասների համար սեղմել նկարներին)
|
|
|
|
|
|
|
|
