Ամբողջական կրթաթոշակներ Էրազմուս Մունդուս համատեղ մագիստրոսական ծրագրերի համար
Ընդհանուր ակնարկ
Դիմելով Էրազմուս Մունդուս միջազգային ծրագրերին՝ կարող եք ամբողջական կրթաթոշակ ստանալ և ներգրավվել Եվրամիության կողմից ֆինանսավորվող համատեղ մագիստրոսական ծրագրերի մեջ:
Էրազմուս Մունդուս համատեղ մագիստրոսական ծրագրերը (ԷՄՀՄԾ) առանձնանում են իրենց ակադեմիական գերազանցությամբ և տրամադրվող կրթության բարձր որակով։ Այս ծրագրերն իրականացվում են միջազգային կոնսորցիումների կողմից, որոնք կազմված են Էրազմուս+ Ծրագրային երկրներում (Programme Countries) գտնվող առնվազն երեք բարձրագույն ուսումնական հաստատություններից:
Տևողություն
ԷՄՀՄԾ-երը հնարավորություն են տալիս 1 կամ 2 տարի տևողութամբ մագիստրոսական կրթություն ստանալ ծրագրի կոնսորցիումի նվազագույնը երկու երկրներում գտվող բուհերում:
Պայմաններ
ԷՄՀՄԾ-երը բաց են աշխարի դիմորդների համար: Նախքան դիմելը համոզվեք, որ համապատասխանում եք դիմելու հետևյալ նախապայմաններին՝
- Դիմորդը պետք է ունենա բակալավրի դիպլոմ։ Ավելի ստույգ տեղեկատվություն այս պահանջի վերաբերյալ կարելի է ստանալ յուրաքանչյուր ծրագրի կայքում։
- Եթե նախկինում դիմորդը ստացել է Էրազմուս Մունդուս համատեղ մագիստրոսական ծրագրի կրթաթոշակ, ապա իրավասու չէ կրկին դիմել և օգտնվել նույն կրթաթոշակից։ 12 ամսից ավել Ծրագրային երկրներում բնակված կամ սովորած ոչ ԵՄ դիմորդը կարող է դիմել միայն մասնակի կրթաթոշակի։
- Յուրաքանչյուր անհատ կարող է դիմել տարեկան առավելագույնը երեք ծրագրի։
Կրթաթոշակակիրը չի կարող միաժամանակ օգտվել ԵՄ-ի կողմից տրամադրվող այլ կրթաթոշակային ծրագրերից։
ՆՇՈՒՄ. Դիմորդները, ովքեր նախորդ հինգ տարիների ընթացքում 12 ամսից ավել ապրել կամ սովորել են Ծրագրային երկրներից որևէ մեկում (ԵՄ 28 անդամ պետությունները և 5 ոչ ԵՄ ծրագրային երկրները` Նախկին Հարավսլավական Մակեդոնիայի Հանրապետություն, Իսլանդիա, Լիխտենշտեյն, Նորվեգիա և Թուրքիա), դիտարկվում են որպես Ծրագրային երկրների դիմորդ: Նաև զգալիորեն նվազում է կրթաթոշակի չափը:
Ֆինանսական աջակցություն
ԷՄՀՄԾ կրթաթոշակները ներառում են ճամփորդական, կեցության և մասնակցության (ուսման վարձի) ծախսերը ծրագրի ողջ տևողության ընթացքում։
Կրթաթոշակի ընդհանուր գումարը կարող է տարբերվել՝ կախված ծրագրի տևողությունից և դիմորդի ազգությունից: Առավելագույն տարեկան գումարը կարող է կազմել մինչև €25,000։ Ի տարբերություն ԵՄ դիմորդների՝ ոչ ԵՄ ուսանողները կստանան ավելի մեծ կրթաթոշակներ համաձայն հետևյալ սանդղակի՝
| Էրազմուս+ Գործընկեր երկրներից (այդ թվում` Հայաստանից) դիմորդներին տրամարդվող կրթաթոշակ
|
|
| Ճամփորդական ծախսեր |
Տարեկան €2,000 (եթե կոնսորցիումի համակարգող համալսարանի հեռավորությունը դիմորդի մեկնման երկրից 4000 կմ-ից պակաս է)
|
| Ծրագրային երկրում հիմնվելու մեկանգամյա գումար (Installation costs) | €1,000
|
| Կեցության ծախսեր |
Ամսեկան առավելագույնը €1,000
|
| Ուսման վճար (կրթաթոշակից գանձվող) |
Տարեկան առավելագույնը €9,000
|
Ինչպես դիմել
Պետք է դիմել նախընտրած ծրագրին իր իսկ վեբկայքի միջոցով, որտեղ դուք կարող եք գտնել դիմելու պահանջները և ընթացակարգը:
Յուրաքանչյուր տարի ԷՄՀՄԾ ծրագրերի ցանկը թարմացվում և համալրվում է: Բոլոր ծրագրերը պահանջում են դիմումներ ներկայացնել յուրաքանչյուր տարվա սեպտեմբեր-հոկտեմբեր և հունվար-փետրվար ամիսների միջև ընկած ժամանակահատվածում (միշտ ստուգեք ծրագրի վեբկայքը): Ուսումը մեկնարկում է հաջորդող տարվա սեպտեմբերին կամ հոկտեմբերին:
Էրազմուս Մունդուս համատեղ մագիստրոսական կրթաթոշակների 2018-2019 թթ. ուսումնական տարվա նորացված ցանկին կարող եք ծանոթանալ այստեղ։
Հայաստանում Էրազմուս+ ծրագրի ազգային գրասենյակում կարող եք Էրազմուս Մունդուս կրթաթոշակային ծրագրերին դիմելու վերաբերյալ անվճար խորհրդատվություն ստանալ՝ նախապես զանգահարելով 010 58-09-63 հեռախոսահամարին և խորհրդատվության ժամ ամրագրելով։
Աշխատանքային ժամերն են՝ երկուշաբթի -ուրբաթ, 10։00-18։00։