Որոնել

+
14 հայի շնորհվել է Էրազմուս Մունդուս կրթաթոշակ

2019թ. հունիսի 14-ին տեղի ունեցավ Էրազմուս Մունդուս կրթաթոշակակիրների հետ մինչ մեկնման կողմնորոշման հանդիպում: Միջոցառումը կազմակերպվել էր Եվրոպական միության պատվիրակության և Հայաստանում Էրազմուս+ ծրագրի ազգային գրասենյակի համատեղ ջանքերով: Հանդիպման նպատակն էր կապեր հաստատել կրթաթոշակակիրների, շրջանավարտների և Երևանում ԵՄ դեսպանատների ներկայացուցիչների հետ, նախապատրաստելու մասնակիցներին կրթաթոշակային ծրագրերի մեկնարկին՝ պրակտիկ խորհուրդների, փորձի փոխանակման և հարց ու պատասխանի միջոցով։

Դժվարին մրցակցության արդյունքում, 14 հայի տրվել է հնարավորություն կրթաթոշակով ուսանելու հետևյալ ծրագրերում՝

  • Big Data Management and Analytics
  • Children’s Literature, Media and Culture
  • DYnamics of Cultural LAndscape, Heritage, Memory and conflictualities
  • International Development Studies
  • European Master in Lexicography
  • European Master in Health Economics and Management
  • European Politics and Society: Vaclav Havel Joint Master Programme
  • Global Markets, Local Creativities
  • South European Studies
  • Technology for Translating and Interpreting

Իր ողջույնի խոսքում Էրազմուս+ ազգային գրասենյակի Ծրագրի պատասխանատու Էդիթ Սողոմոնյանը շնորհավորեց նոր ընտրված ուսանողներին  նման դժվարին ծրագրերին ընդունվելու կապակցությամբ, որոնք առանձնանում են իրենց ակադեմիական գերազանցությամբ և տրամադրվող կրթության բարձր որակով։ Այնուհետեւ, Էրազմուս+ ազգային գրասենյակի Ծրագրի պատասխանատու Անի Թորոսյանը ներկայացրեց Էրազմուս+ ծրագրի շրջանակներում ուսումնառության հնարավորությունները, Էրազմուս+ շրջանավարտների մասին թարմ վիճակագրական տվյալները և վերջում  անկացրեց Էրազմուս+ մշակութային ժամանցային վիկտորինան:

Էրազմուս Մունդուս շրջանավարտենրի ասոցիացիայի ներկայացուցիչ Արմեն Գրիգորյանը ներկայացրեց ասոցիացիայի կառուցվածքը, նպատակները և գործունեությունը, ինչպես նաև ծանոթացրեց շրջանավարտների համայնքային պլատֆորմում գրանցման կարգին և համայնքի ակտիվ անդամ դառնալու օգուտներին:

Դրան հաջորդեց  փորձի փոխանակումն ու հարց ու պատասխանը շրջանավարտների և ընթացիկ ուսանողի հետ: Մասնակիցները հնարավորություն ունեցան խորհրդատվություն ստանալ ամենափորձառու շրջանավարտներից և ընթացիկ ուսանողից, այն է՝ Դավիթ Պիպոյանից, Աննա Գևորգյանից և Վահե Զարգարյանից:

Միջոցառման վերջին հատվածը ուղղված էր Հայաստանում դեսպանատների ներկայացուցիչներին`Անի Շագինյանովա,  Չեխիայի դեսպանատուն, Սթիվ Դոդս, Մեծ Բրիտանիայի դեսպանատուն, և Շարլոտ Վենեմա, Ֆրանսիայի դեսպանատուն: Նրանք տրամադրեցին վիզայի տրամադրմանձեռք բերման կարգի վերաբերյալ գործնական խորհուրդներ Չեխիայի Հանրապետությունում, Մեծ Բրիտանիայում և Ֆրանսիայում երկարաժամկետ կացության կարիք ունեցող ուսանողներին:

Հրապարակված է․Նորություններ, Նորություններ 2019թ