Որոնել

Էրազմուս+ Բարձրագույն Կրթության Բարեփոխումների Փորձագետների Ամփոփիչ Տեղեկատվական Սեմինար

2017թ․ դեկտեմբերի 22-ին Էրազմուս+ Բարձրագույն կրթության բարեփոխումների փորձագետների (ԲԿԲՓ) ազգային թիմը Երևանի պետական ​​համալսարանի Եվրոպական ուսումնասիրությունների կենտրոնում կազմակերպեց  «Բարձրագույն կրթություն 2017. քաղաքականության բարեփոխումներ, բիզնես, սոցիալական ներգրավվածություն և որակի մշակույթ» թեմայով ամենամյա տեղեկատվական սեմինարը: Սեմինարին քննարկվեցին հետևյալ թեմաները`

  • Համալսարանական կրթություն և ձեռներեցություն. կազմակերպական մարտահրավերներ
  • Որակի մշակույթը գործողության մեջ. շոտլանդական համալսարանների փորձը
  • ԵՄ-ն և նրա հարևանության երկրները. Բարձրագույն կրթության քաղաքականությունը և համագործակցության հեռանկարները
  • ECTS (կրեդիտների կուտակման և փոխանցման եվրոպական համակարգի) ուղեցույցը հայերեն լեզվով
  • 2017 թ.-ի ընթացքում ԲԿԲՓ հայաստանյան խմբի անդամների գործունեության ընդհանուր նկարագիրը

Մասնակիցների թվում էին Հայաստանի պետական ​​մանկավարժական համալսարանի, Ազգային պոլիտեխնիկական համալսարանի, Հայաստանի ազգային ագրարային համալսարանի, Երևանի պետական ​​համալսարանի, Հայաստանի պետական ​​տնտեսագիտական ​​համալսարանի, Հայբուսակ համալսարանի, ՀՀ Գիտությունների ազգային ակադեմիայի, Եվրասիա միջազգային համալսարանի, Երևանի Բրյուսովի անվան պետական լ​​եզվահասարակագիտական համալսարանի որակի ապահովման և միջազգային հարաբերությունների բաժինների վարչական աշխատակիցները: Սեմինարն առաջացրել էր նաև ոչ ակադեմիական գործընկեր հաստատությունների հետաքրքրությունը, ինչպիսիք են Մասնագիտական ​​կրթության որակի ապահովման ազգային կենտրոնը, ՀՀ Կրթության և գիտության նախարարության բարձրագույն կրթության որակավորման հանձնաժողովը, Հանրապետական մանկավարժական-հոգեբանական կենտրոնը և «Երիտասարդական գաղափարներ» ՀԿ-ի կողմից:
 
Ամենամյա տեղեկատվական սեմինարի պրեզենտացիաներն ու լուսանկարները հասանելի են հետևյալ հղումով՝ https://www.dropbox.com/sh/wcyx8t7esi1cxw3/AAD_i-hAwJhAm7vkcy2uV3Ava?dl=0

Հրապարակված է․Նորություններ