Հայտարարվել է Էրազմուս+ 2023թ Առաջարկների մրցույթը
Ուրախ ենք տեղեկացնել, որ Էրազմուս+ 2023թ-ի ծրագրային Առաջարկների մրցույթը պաշտոնապես մեկնարկել է: Հետևաբար, ցանկացած պետական կամ մասնավոր հաստատություն, որն ակտիվ է կրթության, վերապատրաստման, երիտասարդության և սպորտի ոլորտում, կարող է դիմել Էրազմուս+ ծրագրի շրջանակներում ֆինանսավորման համար:
Հրապարակվել է նաև Էրազմուս+ ծրագրի նոր 2023թ-ի Ուղեցույցը, որը պարունակում է ողջ տեղեկատվությունը Էրազմուս+ գործողություններին մասնակցելու վերաբերյալ, այդ թվում՝ Հայաստանի Հանրապետության ուսումնական հաստատությունների և գործընկեր կառույցների համար:
Խնդրում ենք մանրամասն ծանոթանալ ստորև հրապարակված հղումներին.
Առաջարկների մրցույթի հրավեր 2023թ
Ծրագրի Ուղեցույց 2023թ
2023 թվականի տարեկան աշխատանքային ծրագիր
Մամլո հաղորդագրություն
Փաստերի թերթիկ
Էրազմուս+ բոլոր գործողություններին դիմելու հայտերը պետք է ներկայացվեն առցանց՝ Եվրոպական հանձնաժողովի ֆինանսավորման և տենդերային հնարավորությունների պորտալի միջոցով:
Կրթության և վերապատրաստման համար 2023թ Առաջարկների մրցույթի ընդհանուր բյուջեն կազմում է 2 980,70 միլիոն եվրո՝ չհաշված Ժան Մոնե գործողությունները (26,22 միլիոն եվրո): Էրազմուս+-ը շարունակում է իր աջակցությունը ներառման, թվայնացման, կանաչ տեխնոլոգիաների, ակտիվ քաղաքացիության և ժողովրդավարական կյանքում ավելի մեծ մասնակցության համար: