Էրազմուս Մունդուս համատեղ մագիսրտոսական ծրագրերը ներառում են առնվազն 3 գործընկեր բուհեր երեք տարբեր երկրներից, որոնցից առնվազն 2 պետք է լինեն ԵՄ անդամ կամ Ծրագրին ասոցացված երրորդ երկրներ: Կոնսորցիումը պետք է կնքի 74 ամիս տևողությամբ դրամաշնորհային համաձայնագիր՝ ֆինանսավորելու մագիստրոսական ծրագրի առնվազն 4 ակադեմիական շրջափուլ, որոնցից յուրաքանչյուրի տևողությունը 1-ից 2 ուսումնական տարի է (60, 90 կամ 120 կրեդիտ): Կոնսորցիումի անդամները կարող են ստորև երեք հիմնական դերերը կատարել՝

• Դիմորդը/Համակարգողը այն բարձրագույն ուսումնական հաստատությունն է, որը պատասխանատու է ծրագրին դիմելու, այն ղեկավարելու, ինչպես նաև դրամաշնորհային համաձայնագրի ստորագրման, ֆինանսական և իրավական ասպեկտների կառավարման և այլ կազմակերպությունների հետ մագիստրոսական ծրագրի համակարգման համար:
• Գրոծընկերը համապատասխան մարմինների կողմից ճանաչված կրթական աստիճաններ շնորհող բարձրագույն ուսումնական հաստատություն է, ինչպես նաև ցանկացած այլ կազմակերպություն, որն ակտիվորեն նպաստում է համատեղ մագիստրոսական ծրագրի պատրաստմանը, իրականացմանը և գնահատմանը:
• Ասոցացված գործընկերը կամընտրական դեր ունի կոնսորցիումում, մասնակցում է եթե նպաստում է կոնկրետ առաջադրանքներին կամ հատուկ մասնագիտական դեր ունի՝ որպես ծրագրի աջակցից։

Էրազմուս Մունդուս համատեղ մագիստրոսական ծրագրի կոնսորցիումի համաձայնագրերը պետք է ստորագրվեն բոլոր գործընկեր անդամների կողմից նախքան ուսանողների կողմից հայտերի ներկայացման մեկնարկը և պետք է ընդգրկեն ծրագրի իրականացման հետ կապված բոլոր ակադեմիական, գործառնական, վարչական և ֆինանսական ասպեկտները:

ԵՄ անդամ պետությունների կամ Ծրագրին ասոցացված երրորդ երկրների մասնակից հաստատությունները պետք է ունենան  Էրազմուսի բարձրագույն կրթության խարտիա: 

Համատեղ ծրագրերի որակի ապահովման չափորոշիչներից բացի, համատեղ ծրագրերի իրականացման գործում կարևոր են հետևյալ համատեղ/ընդհանուր ընթացակարգերը՝

• Ուսանողների ընդունելության միասնական չափանիշների և դիմումի ձևի սահմանում, ընտրության, վարձավճարների քաղաքականության, մշտադիտարկման, քննությունների/կատարողականի գնահատման կանոններ կամ ընթացակարգեր;
• Համատեղ ծրագրերի նախագծում և ինտեգրված ուսուցման/վերապատրաստման գործողություններ՝ ներառյալ  համաձայնեցված համատեղ լեզվական քաղաքականությունը, և կոնսորցիումում ուսման ընթացքի ճանաչման համատեղ գործընթաց;
• Ուսանողներին առաջարկվող ընդհանուր ծառայություններ (օրինակ՝ լեզվի դասընթացներ, վիզայի աջակցություն);
• Խթանման և իրազեկության բարձրացման համատեղ միջոցառումներ՝ ծրագրի, ինչպես նաև Էրազմուս Մունդուս կրթաթոշակային մոդելի համաշխարհային տեսանելիությունն ապահովելու նպատակով;
• Խթանման ռազմավարությունը պետք է ներառի ինտեգրված և կոնսորցիումի մասին համապարփակ տեղեկատվություն տրամադրող ծրագրային վեբկայք (անգլերեն լեզվով, ինչպես նաև այլ հիմնական ուսուցման լեզուներով, եթե դրանք տարբեր են), որը տրամադրում է նաև ծրագրի մասին բոլոր անհրաժեշտ տեղեկությունները ուսանողների և այլ  շահագրգիռ կողմերի համար, ինչպիսիք են, օրինակ, ապագա գործատուները;
• Համատեղ վարչական և ֆինանսական կառավարում կոնսորցիումի կողմից;
• Համատեղ աստիճանաշնորհումը խրախուսվում է, եթե ազգային օրենսդրությունը թույլ է տալիս այն։
  

Որո՞նք են ֆինանսավորման կանոնները

Էրազմուս Մունդուս համատեղ մագիստրոսական ծրագրերի դրամաշնորհը հաշվարկվում է հետևյալ երեք բաղադրիչների հիման վրա՝

• կոնսորցիումի բուհերի կողմից ներդրում ծրագրի իրականացման ինստիտուցիոնալ ծախսերում.
• առավելագույն թվով ուսանողական կրթաթոշակների շնորհում համաձայնագրի վավերականության ողջ ժամկետի ընթացքում:
• հավելյալ ֆինանսական աջակցություն՝ նախատեսված հաշմանդամություն ունեցող ուսանողների անհատական կարիքները հոգալու համար

Դրամաշնորհային աջակցությունն ինստիտուցիոնալ ծախսերին

Ուսանողի համար աջակցությունը միավորի սահմանված ծախսերին նախատեսված է ծածկելու ծրագրի իրականացման հետ կապված ծախսերի մի մասը: Միավորի սահմանված ծախսերն են անձնակազմի, հրավիրված դասախոսների (դասավանդում, ճանապարհորդություն), առաջխաղացման, տեղեկատվության տարածման և կազմակերպչական ծախսեր (ներառյալ ներգրավված ուսանողների ամբողջական ապահովագրությունը, հատուկ կարիքներ ունեցող ուսանողների հավելյալ ֆինանսական աջակցությունը, կացարանի և ուսանողական այլ ծառայությունների հետ կապված օգնությունը, վարչական ծախսերը և բոլոր այլ ծախսերը, որոնք անհրաժեշտ են հաջող մագիստրոսական ծրագրի իրականացման համար):

Համատեղ մագիստրոսական ծրագրերը, որոնք դրամաշնորհ են ստացել Եվրահանձնաժողովի կողմից, ուսանողներից ծրագրի դիմումի, ուսման կամ դասընթացներին վերջիններիս մասնակցության հետ կապված այլ պարտադիր ծախսերի համար չեն կարող գումար գանձել:

Առավելագույն աջակցությունն ինստիտուցիոնալ ծախսերին սահմանվում է հետևյալ բանաձևով՝ 750 եվրո/ամիս x DR x NRES
որտեղ՝

• DR = մագիստրոսական ծրագրի առավելագույն տևողությունն ամիսներով (այսինքն՝ 12, 18 կամ 24 ամիս)
• NRES = ընդունված ուսանողների թիվը (կրթաթոշակակիրներ և առանց կրթաթոշակակի սովորողներ), որոնք նախատեսված են դրամաշնորհի պայմանագրի ողջ տևողության համար

Նկատի ունեցեք, որ դրամաշնորհի հաշվարկման համար NRES-ի առավելագույն թիվը 100-ն է (բացառությամբ, որոշ դեպքերում, աշխարհի թիրախային տարածաշրջանների համար նախատեսված կրթաթոշակների):

Ուսանողական կրթաթոշակներ 

Կրթաթոշակներն ուղղված են հոգալու շահառու ուսանողների կատարված ծախսերը, ինչպիսին են՝ ճանապարհորդության, վիզայի, հիմնման և կեցության ծախսերը: Այն հաշվարկվում է ուսումնական ծրագրի ողջ ժամանակահատվածի (իրական օրերի քանակի համամասնությամբ) համար ամսական միավորի սահմանված արժեքի հիման վրա: Այս ժամանակահատվածն ընդգրկում է ուսումնառությունը, հետազոտությունը, պրակտիկան, թեզի պաշտպանությունը՝ համատեղ մագիստրոսի պահանջներին համապատասխան: Կրթաթոշակը կարող է տրվել միայն ամբողջությամբ և առկա եղանակով (full time) սովորող ուսանողներին:

Մեկ ուսանողի համար առավելագույն կրթաթոշակի հաշվարկի բանաձևն է՝ 1 400 եվրո/ամիս x DS
Որտեղ DS = մագիստրոսական ծրագրի տևողությունը

Էրազմուս Մունդուս կրթաթոշակի առավելագույն գումարը դրամաշնորհային պայմանագրի տևողության ընթացքում հաշվարկվում է հետևյալ բանաձևով՝ 1400 եվրո/ամիս x DR x NRS

Որտեղ DR = մագիստրոսական ծրագրի առավելագույն տևողությունն ամիսներով (այսինքն՝ 12, 18 կամ 24 ամիս) և NRS = դրամաշնորհային պայմանագրի ողջ տևողության համար նախատեսված կրթաթոշակների քանակը (առավելագույնը 60, բացառությամբ որոշ դեպքերում աշխարհի թիրախային շրջանների համար նախատեսված կրթաթոշակների):

Լրացուցիչ աջակցություն հաշմանդամություն ունեցող ուսանողների անհատական կարիքներին

Անհատական կարիքների համար հատկացումները կարող են տրամադրվել եթե համապատասխանում են դրամաշնորհի պայմանագրով սահմանված ընդհանուր իրավասության պայմաններին: Դրանք կօգտագործվեն հաշմանդամություն ունեցող (օրինակ՝ երկարաժամկետ ֆիզիկական, մտավոր կամ հոգեկան խանգարումներով) գրանցված ուսանողների կարիքները հոգալու համար, ինչպիսիք են, օրինակ՝ հատուկ պարագաների կամ ծառայությունների ձեռքբերման հետ կապված ծախսերը (օրինակ՝ երրորդ անձանց կողմից օգնության ֆինանսավորում, աշխատանքային միջավայրի մատչելիության ապահովում, լրացուցիչ ճանապարհորդական/տրանսպորտային ծախսեր):

Լրացուցիչ աջակցության միջոցների մասին մանրամասների ծանոթացեք այստեղ:

Դիմորդները կարող են դիմել Ծրագրին չասոցացված երրորդ երկրների ուսանողների համար լրացուցիչ միջոցներ ստանալու համար հետևյալ տարածաշրջաններից՝ 1, 3, 5, 6, 7, 8, 9, 10 և 11 (ստուգեք յուրաքանչյուր տարածաշրջան այստեղ), որը ֆինանսավորվում է ԵՄ-ի արտաքին գործողության գործիքի միջոցով։
Ֆինանսավորման համար դիմող Էրազմուս Մունդուս համատեղ մագիստրոսական ծրագրերը մագիստրատուրայի ողջ տևողության համար կարող են ստանալ մինչև 27 լրացուցիչ կրթաթոշակ (ներառյալ համապատասխան ինստիտուցիոնալ ծախսերը), որոնք ֆինանսավորվում են Հարևանության, զարգացման և միջազգային համագործակցության Գլոբալ Եվրոպայի գործիքի կողմից (Neighbourhood, Development and International Cooperation – Global Europe Instrument, NDICI) և մինչև 3 լրացուցիչ կրթաթոշակ (ներառյալ համապատասխան ինստիտուցիոնալ ծախսերը), որոնք ֆինանսավորվում են ԵՄ անդամակցության դիմած երկրներին աջակցության գործիքի կողմից (Instrument for Pre-Accession Assistance, IPA III): Լրացուցիչ կրթաթոշակներն առաջարկվում են բարձրագույն կրթության հետ կապված ԵՄ արտաքին գործողությունների առաջնահերթություններին արձագանքելու նպատակով՝ հաշվի առնելով Ծրագրին չասոցացված համապատասխան երրորդ երկրների տնտեսական և սոցիալական զարգացման տարբեր մակարդակները: Յուրաքանչյուր բյուջետային ծրարի ներքո հասանելի գումարների վերաբերյալ լրացուցիչ տեղեկատվությունը կհրապարակվի Ֆինանսավորման և տենդերային հնարավորությունների պորտալում (FTOP): Միջոցները պետք է օգտագործվեն աշխարհագրորեն հավասարակշռված ձևով, և հաստատությունները խրախուսվում են ուսանողների հավաքագրել ամենաաղքատ և ամենաքիչ զարգացած Ծրագրին ասոցացված երրորդ երկրներից:

Համակարգային մակարդակում

• Խրախուսել ակադեմիական համագործակցությունը ԵԲԿՏ-ում և դրանից դուրս՝ աջակցելով համատեղ ուսուցմանը և որակավորումներին, որակի բարելավմանը, ակադեմիական գերազանցության խթանմանը;
• Եվրոպական և արտերկրի ուսումնական հաստատությունների միջև համագործակցության և աշխարհի լավագույն ուսանողների շարժունության միջոցով բարձրացնել բարձրագույն կրթության միջազգային տեսանելիությունը;
• Խթանել բարձրագույն կրթության, նորարարության և հետազոտությունների սիներգիան;
• Վերացնել ուսուցման խոչընդոտները՝ բարելավելով բարձրորակ և նորարարության վրա հիմնված կրթության հասանելիությունը և հեշտացնելով սովորողների տեղափոխումը երկրից երկիր;
• Արձագանքել հասարակության և աշխատաշուկայի կարիքներին;
• Նպաստել նորարարական կրթական քաղաքականության մշակմանը:

Ինստիտուցիոնալ մակարդակում

• Եվրոպական և ոչ եվրոպական բուհերի ակադեմիական համագործակցության համար տրամադրել ավելի շատ  համակարգված և կայուն հնարավորություններ;
• Բարելավել մագիստրոսական մակարդակի ծրագրերի որակը  և վերահսկել այն;
• Բարձրացնել մասնակից կազմակերպությունների միջազգայնացումը և մրցունակությունը.
• Աջակցել նոր ցանցերի ստեղծմանը և բարելավել առկա ցանցերի որակը.
• Բարձրացնել մասնակից բուհերի գրավչությունը տաղանդավոր ուսանողների համար
• Նպաստել բուհերի միջազգային իրազեկության բարձրացմանն ու միջազգայնացման քաղաքականությանը՝ ուսումնական ծրագրերի և միջազգայնացման համապարփակ ռազմավարությունների մշակման միջոցով (ինստիտուցիոնալ համագործակցություն և միջազգային շարժունություն):

Անհատական մակարդակում

• Բարելավել ծրագրերում ընդգրկված ուսանողների աշխատունակությունը;
• Բարելավել ուսանողների հիմնական կարողությունները և հմտությունները;
• Միջազգային, միջդիսցիպլինար, միջոլորտային և միջմշակութային փորձի փոխանակման միջոցով ստեղծել ակադեմիական ուսումնասիրությունների նոր մտածելակերպ և մոտեցումներ;
• Բարելավել ուսանողների համագործակցային և հաղորդակցական կարողությունները;
• Բարձրացնել անհատի ներդրումը գիտելիքահենք տնտեսության և հասարակության մեջ:

Բարձրագույն ուսումնական հաստատությունները և բարձրագույն կրթության ոլորտում գործող կազմակերպությունները պետք է դիմեն կենտրոնական կարգով Կրթության և մշակույթի գործադիր գործակալությանը՝ Ծրագրի Ուղեցույցում և համապատասխան Առաջարկների մրցույթով սահմանված հայտի պայմաններին և ժամանակացույցին համապատասխան: 

Ծրագրային առաջարկի հայտը պետք է ներկայացվի Համակարգող/Դիմորդ հաստատության կողմից, որը դիմում է ծրագրի մասնակից կազմակերպությունների կոնսորցիումի/գործընկերության/ցանցի անունից: Դիմորդները պետք է գտնվեն դիմորդի կարգավիճակ ունեցող երկրում՝ ըստ Ծրագրի Ուղեցույցում սահմանված պահանջների:

Ծրագրային այս գործողության հետ կապված հարցերի դեպքում  խնդրում ենք գրել eacea-eplus-erasmus-mundus@ec.europa.eu էլ․ հասցեին։