«Ճանապարհ դեպի Էրազմուս+. հաջողակ մոտիվացիոն նամակի կազմում» խորագրով վեբինար
Ս/թ հոկտեմբերի 11-ին, ժ․ 19:30 Հայաստանում Էրազմուս+ ազգային գրասենյակը, համագործակցելով ESN Armenia-ի հետ, կազմակերպում է առցանց հանդիպում՝ «Ճանապարհ դեպի Էրազմուս+. հաջողակ մոտիվացիոն նամակի կազմում» խորագրով։ Հանդիպումն անցկացվում է «Էրազմուս օրեր 2023» միջոցառումների շրջանակներում։
Եթե ցանկանում եք կատարել ձեր առաջին միջազգային, ակադեմիական քայլը Էրազմուս+ ծրագրերի միջոցով, միացե՛ք մեր առցանց հանդիպմանը, որը նախատեսված է հասանելի ծրագրերի, դրանց դիմելու գործընթացի, ինչպես նաև հաջողակ մոտիվացիոն նամակների կազմման վերաբերյալ տեղեկատվություն տրամադրելու համար։
Հանդիպման ընթացքում դուք.
- կստանաք համապարփակ տեղեկատվություն հետևյալ ակադեմիական հնարավորությունների վերաբերյալ՝ Միջազգային կրեդիտային շարժունություն և Էրազմուս Մունդուս համատեղ մագիստրոսական ծրագրեր,
- կբացահայտեք ավելին դիմումի գործընթացի մասին և կիմանաք, թե ինչ են փնտրում ընտրող հանձնաժողովները,
- գործնական և ինտերակտիվ օրինակների միջոցով կսովորեք կազմել արդյունավետ մոտիվացիոն նամակներ:
Միջոցառման օրակարգը հասանելի է ստորև: Բաց մի՛ թողեք այս հնարավորությունը՝ բարելավելու ձեր դիմումը և մեծացնելու ձեր երազանքների Էրազմուս+ ծրագիրը շահելու հնարավորությունը:
Գրանցման մանրամասները
Այս միջոցառումը բաց է բոլորի համար, ովքեր հետաքրքրված են անհատների համար նախատեսված Էրազմուս+ գործողություններով: Մասնակցության համար անհրաժեշտ է գրանցվել այստեղ մինչև հոկտեմբերի 10-ը ներառյալ։
Միասին բաց անենք էրազմուսյան դռները Ձեր առջև: 😉