Տեղի ունեցավ ԲԿԲՓ ամենամյա համաժողովը
2023 թ․ դեկտեմբերի 4-5-ը Բարսելոնայի համալսարանում տեղի ունեցավ Բարձրագույն կրթության բարեփոխումների փորձագետների ամենամյա համաժողովը։
Հայկական պատվիրակության ներկայացուցիչներն էին Հայաստանում Էրազմուս+ ազգային գրասենյակի համակարգող Լանա Կառլովան, Բարձրագույն կրթության բարեփոխումների փորձագետներ Տիգրան Միքայելյանը (Հայկական պետական մանկավարժական համալսարանի օտար լեզուների ֆակուլտետի դեկան) և Գարեգին Համբարձումյանը (Հայաստանի ազգային ագրարային համալսարանի միջազգային կապերի դեպարտամենտի պետ)։
Համաժողովի ընթացքում քննարկված հիմնական թեմաներն էին՝
- Քովիդ-19-ի համավարակի ազդեցությունը կրթության վրա,
- կրթության ոլորտում նորարարությունները,
- միկրոորակավորման դասընթացների ստեղծումը,
- կանաչ կրթության կարևորությունը,
- 2024 թ․ տարեկան աշխատանքային ծրագիրը,
- Եվրոպական բարձրագույն կրթության քաղաքականության մոտեցումները, և այլն։
Համաժողովի արդյունքները կարտացոլվեն կանաչ կրթության վերաբերյալ SPHERE-ի (Կենտրոնական աջակցություն բարձրագույն կրթության բարեփոխումների փորձագետներին) առաջարկների փաթեթում և ուղեցույցում, ինչպես նաև Բարձրագույն կրթության բարեփոխումների փորձագետների տարեկան աշխատանքային պլաններում։
